商华画家、上海美术家协会会员
常常一头埋辣好书里向
上世纪五十年代超星学习通资治通鉴答案的上海旧书店
回忆自己少年青年搿段辰光个生活超星学习通资治通鉴答案，最难忘记个经历，就是到上海旧书店里去看书得仔淘书。上世纪五六十年代个上海旧书店，真是一个开放个知识大宝库。
【一】
当时国营个“上海旧书店”，有福州路、淮海路、四川路三大家。我辣1956年考进向明中学之后，每日放学回屋里，侪要走从瑞金一路到重庆南路一段个淮海中路，勿是去思南路附近个淮海中路新华书店，就是去成都南路附近个上海旧书店，假使辰光空一点个言话，会两个书店侪去老长辰光登辣海。新华书店是勿开架个，而旧书店是差勿多完全对顾客开架，所以可以一本一本抽下来翻看，搿能介有常时一登就可以登一两个钟头辣海，看到夜幕降临，再匆匆赶回到屋里向去。
搿个辰光个旧书店铺面，老大老进深个，里向还有好几个曲折转角个地方，登辣里向交关安静适意。每类图书分列整齐，重要个旧书还摆辣大台面浪向陈列辣海，一本本看过去邪气便当。我个交关知识底子，实际浪侪是辣旧书店打下来个。
当时我对几类书特别感兴趣，常常一头埋辣里向久久转勿过神来。一类是文学书，特别是古典文学通俗读本，一类是气象、天文、地理类书，一类是动植物、生理卫生方面个书。碰着当时新出来个推行文字改革、拼音字母搿点书也要购买。当时个旧书店，实际浪还辣辣传承解放前个多元博采传统，除超星学习通资治通鉴答案了新中国出版个书变成旧书有卖以外，有眼三四十年代出版个书可以卖个也辣卖。譬如解放前出版个一些医书写得交关详细，我个生理、疾病得仔青春期有关知识有勿少侪是从搿里向得到个。
【二】
搿个辰光个旧书有一个老好个周转链，收卖侪有合理个价格。因为老百姓生活水平普遍低，旧书收告卖个价钿侪经过仔细斟酌。发行勿久个好书，譬如一本《宋词选》，原价卖1元3角，旧书卖1元；《近三百年名家词选》原价卖8角，旧书卖6角5分；又譬如《古文观止》，因为解放前头出过老多版本，旧版本就有只卖到8角一部个。一些私人出版社辣50年代初期出版个书，到1957年以后侪降价卖得老便宜个，像中州路人世间出版社个一本《人体生理图解》，只卖4角；大中国图书局出版个一只《草本花卉栽培》硬纸转盘特价2角，到现在我还收藏辣海，常常拿出来翻翻，当年个记忆会连带辣海，所以舍勿得掼脱。
交关新书或者旧书，看完以后可以拿到淮海路瑞金路口个旧书回收处估价，卖得个钞票再去买自家看中个旧书，我得仔交关人就是搿能周转看旧书个，因为搿个辰光普通百姓要买书是呒没几化钞票可以投入个，我常常拿姆妈拨我乘电车上学一日天个零用钿6分，积个好几日，就去买一本对伊已经光顾了一趟又一趟、常怕拨人家买得去个书。还有譬如讲屋里向原来有一本30年代出个《儒林外史》，排版咾啥反而呒没50年代人民文学出版社出版个《儒林外史》好，乃末拿伊去卖脱，调回50年代版个旧书以后，挺下来个钞票，还好多买两本旧书。两个收旧书个人是老懂行个，估价公道，有勿少经济发生困难个人，也乐于拿屋里向原来勿用个藏书或者杂志拿去卖脱，所以旧书店啥个书侪有，经营得邪气活，好书频频露面，进书店去个人流也老踊跃个，旧书店成了汇聚各类新旧知识个宝地，每趟淘到好书，称心如意，心里向无限欣喜。
【三】
卖得贵个书也是有个，譬如收旧书处个对外橱窗里，一直摆辣海一套十本30年代良友出版个《中国新文学大系》，因为是难得个左翼文学大集，标价100元，辣搿个辰光，看了有点令人咋舌。我屋里原来传下来个，只有其中个六本，我就一直拿伊当宝贝，乃末一本一本认真读，读出了我对现代文学个兴趣。后来我主编过一部《20世纪中国短篇小说选集》，6本头，关注小说，作兴还是当年开个头。1962年我考进大学，每礼拜回屋里，总归要去福州路浪个上海旧书店去看看。搿个辰光书店设立了一个急需书登记处，我去登记了一本《大系》个“散文二集”，一周后通知就到了我屋里向，要7元一本，我只好到中央商场去卖脱几张屋里传下来个大中华老唱片，方才凑得够钞票买下来搿本书。收购唱片个店员还认真个问了我一句：侬真个愿意拿搿几张唱片卖脱？ 我勿拿几张我欢喜个老唱片去卖脱，哪能买得起我心里向更加欢喜个新唱片呢？辣中央商场也有便宜一点个、人家听了以后卖脱个新唱片。
至于到福州路旧书店连带南京路个朵云轩，是我读高三个辰光已经开始，抽礼拜日常常去个，有常时还要等开门，买每日新拿出来个好书。上海除了搿个三家大型个旧书店之外，小个书店遍布热闹地区，尤其辣解放后勿久，我屋里附近就有好几家书店、书局，侪是私营个，原来个惯性继续辣海，也兼卖新书告旧书，有个还卖点文具。各种书店卖自家特色得仔其超星学习通资治通鉴答案他书店出版个书，多种多样，邪气会做生意。直到63、64年，上海个旧书店还有勿少。譬如辣复兴中路长城电影院个附近，就有三四家小型旧书铺，还有一家是专卖旧杂志个。我经常去看看，假使看了好电影以后，就去买一本有关个旧个《电影故事》或者《上影画报》。1963年我还买一本看一本，一共拢总买了一年个编得老好个《上海文学》。
【四】
顶特殊个一段辰光可以讲是70年代，有几年，福州路“上海书店”开出一个小小个窗口，凭单位证明可以买极小部分个旧书，搿个辰光个旧书居然便宜邪气，像一部《十八家诗抄》，只卖2元。后来勿凭证明了，记得我赶去看看，有对胃口个旧书，买了一部装有8只蓝布书套个蜚英楼石印版线装书《资治通鉴》，附目录一共40本，只要16元。当时，一套平装个《资治通鉴》倒要32元辣海。我如获至宝，要是现在去买，恐怕一万元还勿止噢。还有中华书局出版个无标点本《东坡七集》，只需8角。1978年我辣上海书店买到商务印书馆1937年版郭璞注扬雄作个一部《方言》，只有2角5分。
从上海有个书店还流走了一批珍贵个旧书，譬如线装个《落金扇》、《珍珠塔》、《描金凤》咾啥个曲艺本，还有方言词典课本，拨一些外国人轻易个买去。还辣改革开放前，日本个学者就已闻声率先来到上海文庙，用一二万日元就好使得有些民间书商到江南农村去收搿些古书，买走了交关。90年代我辣日本拜访有些学者，伊拉曾经出示拨我看，大都是搿个辰光到上海来买着个。现在行情哪能呢？ 到上海有个地方去买有点价值个旧书，贵得异常，像辣90年代我见到“上海书店”楼上有一整部一本一本个原版《礼拜六》杂志，扎紧比我人还高，卖一千三百元，现在有个地方买其中一本，搿个价钿还勿止。搿个还像卖旧书？
标签： #超星学习通资治通鉴答案
评论列表